ब्रेकिंग

अर्थ

कर्ज वसुलीत चीन सर्वात मोठा देश

Samruddhi Dhayagude
02 Jun 2025

बीजिंग : चीनने जगातील ७५ सर्वात गरीब देशांना कर्ज दिले असून, त्यांना या वर्षी कर्जाचा हप्ता म्हणून चीनला २२ अब्ज डॉलर्स परत करायचे आहेत. ऑस्ट्रेलियन थिंक टँक लोवी इन्स्टिट्यूटच्या मते, चीन २०२५ पर्यंत जगातील सर्वात मोठा कर्ज वसूल करणारा देश ठरेल.

चीनने विकसनशील देशांना एकूण३५ अब्ज डॉलर्सचे कर्ज दिले आहे. हे कर्ज दशकापूर्वी बेल्ट अँड रोड इनिशिएटिव्ह अंतर्गत देण्यात आले होते. चीनच्या दबावामुळे या देशांमधील आरोग्य आणि शिक्षणावरी अंदाजपत्रक धोक्यात आले आहे. जगातील ७५ सर्वात गरीब देश चीनच्या कर्जाच्या ओझ्याने दबलेले आहेत. त्यांना आता कर्ज फेडण्यासाठी प्रचंड दबाव येत आहे.

२०१३ मध्ये बीआरआयपासून चीनची आक्रमक कर्ज रणनीती सुरू झाली. चीनने आतापर्यंत ५३ गरीब देशांना कर्ज दिले आहे. ४२ देशांवर त्यांच्या जीडीपीच्या १० टक्के पेक्षा जास्त चीनचे कर्ज आहे. २०१७ मध्ये चीन जागतिक बँक आणि आयएमएफला मागे टाकत जगातील सर्वात मोठा कर्जदाता बनला. सरकारी कर्जापैकी ८० टक्के विकसनशील राष्ट्रांकडे गेले. ५५ टक्के कर्ज परतफेडीच्या टप्प्यात आहे. २०३० पर्यंत ते ७५ टक्के होईल.